ნიგერის სამხრეთ ნაწილში ხანძარს დაწყებითი კლასის მინიმუმ 25 მოსწავლე ემსხვერპლა, - ინფორმაციას Reuters-ი ადგილობრივ ხელისუფლებაზე დაყრდნობით ავრცელებს.
მათივე ინფორმაციით, დაშავებულია კიდევ 14 ბავშვი, მათ შორის ხუთის მდგომარეობა მძიმეა.
ცეცხლი ჩალით გადახურულ საკლასო ოთახებში გაჩნდა. ხანძრის გამომწვევი მიზეზი ჯერჯერობით უცნობია.
ცნობისათვის, წელს უკვე მეორე შემთხვევაა, როცა ნიგერში ხანძრის შედეგად მოსწავლეები დაიღუპნენ. აპრილში დედაქალაქ ნიამეში ხანძარს სკოლამდელი აღზრდის დაწესებულების 20 ბავშვი ემსხვერპლა.