ბარაკ ობამა ახალგაზრდებს მოუწოდებს, კლიმატის ცვლილების წინააღმდეგ „გაბრაზება შეინარჩუნონ“

აშშ-ის ყოფილი პრეზიდენტი ბარაკ ობამა გაერთიანებულ სამეფოში, გლაზგოში გაერო-ს კლიმატის ცვლილების სამიტს დაესწრო. მან ახალგაზრდებს მიმართა და მოუწოდა, კლიმატის ცვლილების წინააღმდეგ „გაბრაზება შეინარჩუნონ“.

ყოფილი პრეზიდენტის თქმით, მსოფლიოს მასშტაბით ახალგაზრდებმა ხელისუფლებებზე ზეწოლა უნდა გააძლიერონ.

„მივმართავ ყველა ახალგაზრდას, თქვენ უნდა შეინარჩუნოთ გაბრაზება, დარჩეთ იმედგაცრუებულები. თქვენ უნდა აიძულოთ ხელისუფლებები კლიმატის ცვლილების შესაჩერებლად აუცილებელი ნაბიჯები გადადგან“, -განაცხადა მან.

ბარაკ ობამამ კლიმატის ცვლილებასთან დაკავშირებით დონალდ ტრამპის პოლიტიკა გააკრიტიკა და აღნიშნა, რომ ჯო ბაიდენის ადმინისტრაციას ბევრად უკეთესი გარემოსდაცვითი პოლიტიკა აქვს.