ამერიკელი სენატორები გაზსადენ „ჩრდილოეთ ნაკადი 2“-ის წინააღმდეგ სანქციების დაწესებას ითხოვენ

„რესპუბლიკელი“ სენატორების ჯგუფმა აშშ-ის სენატს საკანონმდებლო ცვლილება შესთავაზა, რომელიც გაზსადენ „ჩრდილოეთ ნაკადი 2“-ის წინააღმდეგ სანქციების დაწესებას ითვალისწინებს. სენატორები აცხადებენ, რომ გაზსადენი დააზიანებს აშშ-ის მოკავშირეებს ევროპაში, მათ შორის უკრაინას. საკანონმდებლო ცვლილება სენატში საგარეო ურთიერთობების კომიტეტის წევრმა ჯიმ რიშმა წარადგინა.

ცვლილების მხარდამჭერებს შორის ცნობილი სენატორები, ტედ კრუზი და ტომ კოტონიც არიან. სენატორი რიშის განცხადებით, რუსეთმა შეწყვიტა გაზის ტრანზიტი უკრაინის გავლით და ასევე უკრაინის საზღვარზე სამხედრო ძალების რაოდენობა გაზარდა მას შემდეგ, რაც ჯო ბაიდენმა „ჩრდილოეთ ნაკადი 2“-ის წინააღმდეგ სანქციები გააუქმა.

„სანამ ადმინისტრაცია აგრძელებს კონგრესის ნების იგნორირებას, ჩვენ გავაგრძელებთ კანონმდებლობის ინიცირებას, რომელიც იცავს ჩვენს მოკავშირეებს და ინტერესებს ევროპაში და ასევე გავაგრძელებთ კრემლის მავნე ზეგავლენის ხელშემწყობი პროექტებისთვის წინააღმდეგობის გაწევას,“- განაცხადა სენატორმა ჯიმ რიშმა.

შეგახსენებთ, ჯო ბაიდენმა გაზსადენ „ჩრდილოეთ ნაკადი 2“-ის წინააღმდეგ დაწესებული სანქციები წელს გააუქმა. რუსეთის სახელმწიფო საკუთრებაში არსებულმა კომპანია „გაზპრომმა“ გასულ თვეში განაცხადა, რომ გაზსადენის მშენებლობა უკვე დასრულებულია.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება