გერმანიაში კორონავირუსით ინფიცირების 39 676 ახალი შემთხვევა დადასტურდა, რაც რეკორდულად მაღალი დღიური მაჩვენებელია

გერმანიაში, ბოლო 24 საათში, კორონავირუსის 39 676 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის.

ამასთან, ავადობის შვიდდღიანმა კოეფიციენტმა, რომელიც ყოველ 100 000 მოსახლეზე დაინფიცირების ახალი შემთხვევების რაოდენობას ასახავს, ქვეყანაში 232.1-ს მიაღწია, რაც ასევე რეკორდულად მაღალი მაჩვენებელია პანდემიის დაწყების დროიდან.

გერმანიაში თითქმის 56 მილიონი ადამიანი, ანუ მოსახლეობის დაახლოებით 67%-ი, სრულადაა ვაქცინირებული, თუმცა ვაქცინაციის მაჩვენებელი სხვადასხვა მხარეში განსხვავებულია. მედიის ინფორმაციით, გერმანიის სამი პოლიტიკური პარტია - „სოციალ-დემოკრატები“, „მწვანეები“ და „თავისუფალი დემოკრატები“ - რომელიც სამთავრობო კოალიციის შექმნასთან დაკავშირებით მოლაპარაკებებს აწარმოებს, ქვეყანაში კოვიდ 19-ის პანდემიის მეოთხე ტალღის წინააღმდეგ ბრძოლასთან დაკავშირებით წინადადებების წარდგენას გეგმავს. აღნიშნული პარტიები შეცდომად მიიჩნევენ იმას, რომ ქვეყანაში კოვიდ ტესტის ჩატარება ფასიანი გახდა და ამ გადაწყვეტილების შეცვლას გეგმავენ.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“