ნორვეგიის ლტოლვილთა საბჭო - ირანში ყოველდღიურად 4 000-5 000 ავღანელი გადადის
ირანში ყოველდღიურად 4 000-5 000 ავღანელი გადადის მას შემდეგ, რაც „თალიბებმა“ აგვისტოში ძალაუფლება ხელში ჩაიგდეს, - Reuters-ის ინფორმაციით, ამის შესახებ ნორვეგიის ლტოლვილთა საბჭომ (NRC) განაცხადა.
„არ შეიძლება ველოდოთ, რომ ირანი, საერთაშორისო თანამეგობრობის ასეთი მცირე მხარდაჭერის პირობებში, ამდენ ავღანელს მიიღებს“, - განაცხადა ნორვეგიის ლტოლვილთა საბჭოს გენერალურმა მდივანმა იან ეგლენდმა.
მისივე თქმით, საერთაშორისო თანამეგობრობამ ავღანეთს, ასევე მეზობელ ქვეყნებს, მათ შორის ირანს, ზამთრამდე დახმარება უნდა გაუზარდოს.
შეგახსენებთ, საერთაშორისო მხარდაჭერის უეცარმა შეწყვეტამ და საზღვარგარეთ ავღანეთის ცენტრალური ბანკის აქტივების გაყინვამ ქვეყანა ეკონომიკურ კოლაფსამდე მიიყვანა, რამაც გააჩინა იმის შიში, რომ შესაძლოა ამ მოვლენებმა ლტოლვილთა კრიზისი გამოიწვიოს, ისეთი, როგორიც მსოფლიომ 2015 წელს იხილა, როდესაც სირიიდან ლტოლვილთა ნაკადები დაიძრა.
გაეროს მონაცემებით, ავღანეთში 22.8 მილიონ ადამიანს, ანუ მოსახლეობის ნახევარზე მეტს, მწვავე სასურსათო ნაკლებობა ემუქრება.
v-if="article.gallery" v-html="article.gallery"
