აშშ და ჩინეთი კლიმატის საკითხებზე თანამშრომლობის გაძლიერებაზე შეთანხმდნენ

აშშ და ჩინეთი კლიმატის საკითხებზე თანამშრომლობის გაძლიერებაზე შეთანხმდნენ და ერთობლივი დეკლარაცია გამოაქვეყნეს.

Reuters-ის ინფორმაციით, შეერთებული შტატების წარმომადგენელმა ჯონ კერიმ და მისმა ჩინელმა კოლეგამ, შეი ჟენჰუამ გაეროს კლიმატის სამიტზე, COP26-ზე, რომელიც გლაზგოში, შოტლანდიაში მიმდინარეობს, ჩარჩო ხელშეკრულება წარადგინეს, რომელიც კლიმატის ცვლილებებთან გამკლავებას ითვალისწინებს, მათ შორის მეთანის შემცირებით, ტყეების გაჩეხვის აკრძალვითა და ქვანახშირის გამოყენებაზე ეტაპობრივად უარის თქმით.

„ჩვენ ერთად გამოვხატავთ მხარდაჭერას COP26-ის წარმატებისთვის. ახლა ყოველი ნაბიჯი მნიშვნელოვანია, წინ გრძელი გზა გვაქვს,“- განაცხადა აშშ-ის წარმომადგენელმა.

შეი ჟენჰუამ კი აღნიშნა, რომ შეთანხმების თანახმად, ჩინეთი გააძლიერებს ემისიების შემცირების ძალისხმევას და მეთანთან დაკავშირებით ეროვნულ გეგმას შეიმუშავებს. მისივე თქმით, ორივე ქვეყანას სურს, მეტი გააკეთონ ტყეების გაჩეხვის შესაჩერებლად.

გაეროს გენერალური მდივანი ანტონიო გუტერეში მიესალმა ჩინეთსა და შეერთებულ შტატებს შორის შეთანხმებას.

„კლიმატის კრიზისთან გამკლავება მოითხოვს საერთაშორისო თანამშრომლობას და სოლიდარობას და ეს მნიშვნელოვანი ნაბიჯია სწორი მიმართულებით“, - დაწერა გუტერეშმა "ტვიტერზე."

აღსანიშნავია, რომ აშშ და ჩინეთი ნახშირორჟანგის ყველაზე დიდი გამომყოფები არიან მსოფლიოში.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება