აზერბაიჯანისა და სომხეთის საგარეო საქმეთა მინისტრებმა, ჯეიჰუნ ბაირამოვმა და არარატ მირზოიანმა ურთიერთობების ნორმალიზებაზე ისაუბრეს, – ინფორმაციას აზერბაიჯანული მედია ქვეყნის საგარეო საქმეთა სამინისტროზე დაყრდნობით ავრცელებს.

მათივე ინფორმაციით, შეხვედრა ეუთო-ს მინსკის ჯგუფის თანათავმჯდომარეებისა და ეუთო-ს მოქმედი თავმჯდომარის პირადი წარმომადგენლის, ანჯეი კასპშიკის მონაწილეობით გაიმართა.

აზერბაიჯანის საგარეო საქმეთა სამინისტროს ინფორმაციით, მხარეებმა გაცვალეს აზრები აზერბაიჯანსა და სომხეთს შორის ურთიერთობების ნორმალიზების პროცესთან დაკავშირებულ საკითხებზე, რეგიონში არსებული ახალი რეალობის გათვალისწინებით.