ნამდვილად მინდა, რომ მიხეილ სააკაშვილმა შიმშილი შეწყვიტოს. ასე ბრძოლა, ალბათ, ვერ გაგრძელდება, - ამის შესახებ ქართველმა პრიმა ბალერინამ ნინო ანანიაშვილმა საქართველოს მესამე პრეზიდენტ, მიხეილ სააკაშვილზე საუბრისას განაცხადა.

მისივე თქმით, მას სურს, რომ მიხეილ სააკაშვილი სამოქალაქო კლინიკაში გადაიყვანონ.

„ნამდვილად მინდა, რომ მიხეილ სააკაშვილმა შიმშილი შეწყვიტოს. ასე ბრძოლა, ალბათ, ვერ გაგრძელდება. მინდა გადაიყვანონ საავადმყოფოში. მინდა, საქართველოს მესამე პრეზიდენტმა გააგრძელოს ცხოვრება. გააკეთოს ის, რასაც თვითონ თვლის საჭიროდ",- აღნიშნავს ანანიაშვილი.