ე.წ. პიჯაკების საქმეზე სასამართლო პროცესი, რომელზეც მიხეილ სააკაშვილია ბრალდებული, 15 ნოემბერს დაინიშნა

ე.წ. პიჯაკების საქმეზე სასამართლო პროცესი, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, 15 ნოემბერს დაინიშნა. სხდომა თბილისის საქალაქო სასამართლოში ჩატარდება.

როგორც "ინტერპრესნიუსთან" საუბარში სააკაშვილის ადვოკატი ბექა ბასილაია აცხადებს, ისინი აღნიშნულ საქმეზეც მოითხოვენ ყოფილი პრეზიდენტის სასამართლოში გადაყვანას.

"ჩვენ ვითხოვდით და ვითხოვთ, მიხეილ სააკაშვილის პროცესებზე დასწრებას, თუმცა, 15 ნოემბრისთვის როგორი იქნება მისი ჯანმრთელობის მდგომარეობა, წინასწარ თქმა გამიჭირდება. თუკი, ჯანმრთელობის მდგომარეობა ამის შესაძლებლობას მისცემს, რა თქმა უნდა, გვინდა, რომ მიხეილ სააკაშვილი პროცესს დაესწროს", - განაცხადა ბასილაიამ.

ცნობისთვის, ე.წ. პიჯაკების საქმეზე მიხეილ სააკაშვილთან ერთად ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც. პროკურატურა ბრალდებულებს საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს