გია ვოლსკი - სწორი არ არის იმის მტკიცება, რომ სტრასბურგის სასამართლომ ისეთი გადაწყვეტილება მიიღო, რაც „ნაციონალური მოძრაობის” ბანაკში დღესასწაულს განაპირობებს

სწორი არ არის იმის მტკიცება, რომ სტრასბურგის სასამართლომ ისეთი გადაწყვეტილება მიიღო, რაც „ნაციონალური მოძრაობის” ბანაკში დღესასწაულს განაპირობებს, - ამის შესახებ ჟურნალისტებს პარლამენტის პირველმა ვიცე-სპიკერმა გია ვოლსკიმ განუცხადა.

ვოლსკის თქმით, სტრასბურგის სასამართლოს “პრაგმატული გადაწყვეტილება“ მხოლოდ იმაზე მეტყველებს, რომ საჩივარი ამ ეტაპზე არ იყო მხედველობაში მიღებული.

„ევროპულ სასამართლოს მოკლე დროში სიღრმისეული ანალიზი არ ჰქონია. სწორედ ამიტომ მხარეებისგან დამატებითი ინფორმაცია მოითხოვა. მიხეილ სააკაშვილმა სამოქალაქო კლინიკაში გადაყვანა მოითხოვა, რაც არის სარჩელის მთავარი არგუმენტი. ეს მიღებული და გაზიარებული არ იქნა, რაც ნორმალურია. არ მგონია, რომელიმე მოდავე მხარეს ამის ექსპლუტაცია შეუძლია იმ რაკურსით, როგორც ჩვენმა ოპონენტებმა წარმოადგინეს, რომ ეს არის მათი გამარჯვება სტრასბურგის სასამართლოში. რაც შეეხება მოწოდებას იმის თაობაზე, რომ შიმშილობა შეწყვიტოს, რასაკვირველია, ეს არის ნორმალური მოცემულობა და ის, რაც სტრასბურგის სასამართლოს უნდა გაეკეთებინა. მისი მოწოდება სახელმწიფო სტრუქტურების მიმართ, რომ სააკაშვილზე ზრუნვა გამოიჩინონ, ჩვეულებრივი ამბავია“, - განაცხადა გია ვოლსკიმ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს