ბელარუსის პარლამენტის ქვედა პალატის სამდივნოს ინფორმაციით, პარლამენტში ამ დრომდე არ შესულა საქართველოს ოკუპირებული რეგიონების - ე.წ. სამხრეთ ოსეთისა და აფხაზეთის დამოუკიდებლობის აღიარების შესახებ კანონპროექტი.
ამის შესახებ ინფორმაციას რუსული სააგენტო „სპუტნიკი“ ავრცელებს.
„ასეთი დოკუმენტი ჩვენ არ გვაქვს. ეს საკითხი საერთოდ არ წარმოადგენს საკანონმდებლო რეგულირების ობიექტს“, - განაცხადეს სამდივნოში.
მანამდე, სოციალურ ქსელებსა და არაოფიციალური წყაროებით გავრცელდა ინფორმაცია, რომ ე.წ. სამხრეთ ოსეთისა და აფხაზეთის აღიარების შესახებ კანონპროექტი ბელარუსის პარლამენტში უკვე შევიდა.