ადამიანებმა, რომლებიც ჯერ კიდევ არ არიან ვაქცინირებული, უნდა გააცნობიერონ, რომ მათ საზოგადოების წინაშე მოვალეობა აკისრიათ: დაიცვან სხვები, - ამის შესახებ გერმანიის კანცლერმა ანგელა მერკელმა განაცხადა.
„გარკვევით უნდა ითქვას : მე მაქვს ვაქცინაციის უფლება და ეს არის დიდი გამართლება, მეცნიერებისა და ტექნოლოგიების უზარმაზარი მიღწევა, მაგრამ მე ასევე მაქვს გარკვეული ვალდებულება, წვლილი შევიტანო საზოგადოების დაცვაში,”- აღნიშნა ანგელა მერკელმა.
ევროპაში, ბოლო კვირების განმავლობაში, კორონავირუსით დაინფიცირების შემთხვევების რაოდენობა გაიზარდა, ექსპერტები შიშობენ, რომ ჯანდაცვის სისტემები კვლავ გადატვირთვის რისკის წინაშე დგას, ნაწილობრივ იმის გამო, რომ არავაქცინირებული ადამიანები კვლავ ავრცელებენ დაავადებას ხანდაზმულებსა და ვირუსის მიმართ დაუცველ საზოგადოების სხვა ჯგუფებს შორის.