მიანმარში ამერიკელ ჟურნალისტ დენი ფენსტერს 11 წლით თავისუფლების აღკვეთა მიუსაჯეს. მიანმარის სამხედრო მმართველობის ინფორმაციით, ჟურნალისტს რამდენიმე დანაშაულში ედება ბრალი, მათ შორის ყალბი ინფორმაციის გავრცელებაში.
Euronews-ის ინფორმაციით, 37 წლის დენი ფენსტერი ონლაინ გამოცემა Frontier Myanmar-ის რედაქტორია. ის მიმდინარე წლის მაისში დააკავეს.
ჟურნალისტი ბრალს არ აღიარებს და აცხადებს, რომ დაკავება პოლიტიკურად მოტივირებულია. დენი ფენსტერი პირველი დასავლელი ჟურნალისტია, რომელიც მიანმარში მიმდინარე წლის თებერვალში მომხდარი სამხედრო გადატრიალების შემდეგ დააკავეს. ხელისუფლებაში მოსულმა სამხედრო საბჭომ ქვეყანაში პრესის თავისუფლება მაქსიმალურად შეზღუდა. წელს ქვეყანაში 100-მდე ჟურნალისტი დააკვეს.