რუსეთში, გასული დღე-ღამის განმავლობაში, კორონავირუსით კიდევ 1235 ადამიანი გარდაიცვალა და დაღუპულთა რაოდენობა, საერთო ჯამში, 252 926 -მდე გაიზარდა. ინფორმაციას ადგილობრივი მედია ავრცელებს.

ამასთან, ქვეყანაში, ბოლო 24 საათის განმავლობაში, კორონავირუსის 40 123 ახალი შემთხვევა გამოვლინდა.

რუსეთში ჯამში, ინფიცირების 8 992 595 შემთხვევაა დადასტურებული, გამოჯანმრთელდა 7.7 მილიონზე მეტი პაციენტი.

პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი მსოფლიოში მე-5 ადგილზეა აშშ-ის, ინდოეთის, ბრაზილიისა და გაერთიანებული სამეფოს შემდეგ.