რუსეთი არავის საფრთხეს არ უქმნის, - ამის შესახებ კრემლის პრესსპიკერმა დიმიტრი პესკოვმა განაცხადა.
პესკოვი ამ კომენტარით მედიაში გავრცელებულ ინფორმაციას გამოეხმაურა, რომლის თანახმადაც შეერთებული შტატები შეშფოთებულია იმით, რომ მოსკოვმა შესაძლოა, უკრაინის წინააღმდეგ თავდასხმა განახორციელოს. გამოცემა „ბლუმბერგის“ ინფორმაციაში აშშ-ის შეშფოთების ერთ-ერთ მიზეზად რუსეთის ჯარის საეჭვო გადაადგილება იყო დასახელებული.
”არაერთხელ გვითქვამს, რომ ჩვენი შეიარაღებული ძალების გადაადგილება ჩვენივე ტერიტორიაზე არ უნდა იყოს შეშფოთების მიზეზი, რუსეთი არავისთვის საფრთხეს არ წარმოადგენს”, - განაცხადა პესკოვმა.
მისი თქმით, ოპონენტების პროვოკაციული ქცევა თავად მოსკოვმა დააფიქსირა, მათ შორის ნატოს აქტივობის ზრდა შავ ზღვაში და დასავლეთის ჯაშუშური თვითმფრინავების ფრენები.
„საჭიროების შემთხვევაში, ჩვენ ვიღებთ ზომებს ჩვენი უსაფრთხოების უზრუნველსაყოფად, თუ ჩვენი ოპონენტები მოქმედებენ ჩვენს საზღვრებთან“, - აღნიშნა პესკოვმა.