რეგიონული პოლიტიკისა და თვითმმართველობის კომიტეტის თემატური მოკვლევის სამუშაო ჯგუფის სხდომა გაიმართა

რეგიონული პოლიტიკისა და თვითმმართველობის კომიტეტის თემატური მოკვლევის სამუშაო ჯგუფის სხდომა, მუნიციპალიტეტების საქმიანობაში მოქალაქეთა ჩართულობის მდგომარეობის შესწავლის შესახებ გაიმართა.

საქართველოს პარლამენტის ინფორმაციით, სამუშაო ჯგუფმა იმ არასამთავრობო ორგანიზაციებსა და დარგის ექსპერტებს მოუსმინა, რომელთაც საკუთარი მოსაზრებების გადმოგზავნით თემატურ მოკვლევაში მონაწილეობის სურვილი დაადასტურეს.

ზეპირი მოსმენების მიზანია, თემატური მოკვლევის ჯგუფმა და დაინტერესებულმა მხარეებმა, მუნიციპალიტეტების საქმიანობაში მოქალაქეთა მონაწილეობის მიმართულებით არსებულ მდგომარეობაზე, საკუთარი მოსაზრებები გაცვალონ და გამოთქმულ რეკომენდაციებზე იმსჯელონ.

„მუნიციპალიტეტების საქმიანობაში მოქალაქეთა ჩართულობა არის მნიშვნელოვანი გამოწვევა და ჩვენი მიზანია, მაქსიმალურად დავხვეწოთ ის მექანიზმები და საშუალებები, რომლითაც მოქალაქეებს საშუალება მიეცემათ ლოკალური დონის პრობლემების წამოჭრასა თუ განხორციელებაში თავადვე მიიღონ მონაწილეობა, გაუწიონ მონიტორინგი სხვადასხვა პროექტების შესრულებას და აქტიურად ჩაერთონ თავიანთი ცხოვრების გაუმჯობესებაში", - განაცხადა თემატური მოკვლევის ჯგუფის ხელმძღვანელმა ეკა სეფაშვილმა.

ამასთან, სხდომაზე მოწვეულმა ორგანიზაციებმა აღნიშნულ საკითხთან დაკავშირებით საკუთარი მოსაზრებები და რეკომენდაციები წარმოადგინეს, რის შემდეგ შეხვედრა კითხვა-პასუხის ფორმატში წარიმართა.

„თვითმმართველობა არის ხელისუფლების ის შტო, რომელიც ყველაზე ახლოს დგას მოსახლეობასთან და ყველაზე მეტად ასახავს მათ განწყობებსა და სურვილებს. შესაბამისად, მოქალაქეთა ჩართულობა თვითმმართველობის განხორციელებაში ძალიან მნიშვნელოვანია. თემატური მოკვლევის მიზანია გავერკვიოთ რა მდგომარეობაა ამჟამად და რა ნაბიჯები უნდა გადავდგათ იმისთვის, რომ მოქალაქეთა ჩართულობა იყოს უფრო მაღალი და ეფექტური", - განაცხადა რეგიონული პოლიტიკისა და თვითმართველობის კომიტეტის თავმჯდომარემ, სოზარ სუბარმა.

მოკვლევის შედეგად მიღებული დასკვნების საფუძველზე რეკომენდაციები შემუშავდება და საჭიროების შემთხვევაში, საკანონმდებლო ცვლილებებიც დაინიცირდება, რომელიც ხელს შეუწყობს უკეთესი, მოქალაქეზე ორიენტირებული ევროპული ტიპის თვითმმართველობის განვითარებას და მონაწილეობით დემოკრატიის გაძლიერებას.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“