დაბადების ადგილი სოფელი ჭუბერი, მესტიის რაიონი. დაამთავრა თბილისის სახელმწიფო უნივერსიტეტის ისტორიის ფაკულტეტი 1987 წელს, თბილისის სასულიერო აკადემიის თეოლოგიის ფაკულტეტი 1995 წელს.

1981-1982, 1988წწ. მუშაობდა საქართველოს მეცნიერებათა აკადემიის არქეოლოგიური კვლევის ცენტრში; 1987 წელს საქართველოს სახელმწიფო მუზეუმის ეთნოგრაფიის განყოფილებაში; 1989-1991წწ. დმანისის რაიონის სოფ. ბოსლების საჯარო სკოლის დირექტორი; 1995-1996წწ. გაზეთი "კავკასიონი", კორესპონდენტი; 1996-2000წწ. გაზეთი "კავკასიონი", რედაქტორი; 1996-2003წწ. "რადიო თავისუფლება, რადიო თავისუფალი ევროპა" კორესპონდენტი; 1998-2001წწ. ლონდონის ომისა და მშვიდობის რეპორტაჟების ინსტიტუტის კორესპონდენტი; 2002 წელს კავკასიის ჟურნალისტთა საერთაშორისო ცენტრის დამფუძნებელი; 2003-2004წწ. არასამთავრობო ორგანიზაცია თავისუფლების ინსტიტუტი, პროექტის "კანონის უზენაესობის" დირექტორი; 2004-2009წწ. საქართველოს სახალხო დამცველი; 2012-2014წწ. სასჯელაღსრულებისა და პრობაციის მინისტრი; 2014-2018წწ. საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრი. 2018 წლის 22 ივლისიდან რეგიონული მართვის მიმართულების ხელმძღვანელი.

არის გაეროს ადამიანის უფლებათა უმაღლესი კომისრის მრჩეველთა საბჭო, წევრი (2009-).