აზერბაიჯანში, გასული დღე - ღამის განმავლობაში, კორონავირუსით დაინფიცირების 2334 ახალი შემთხვევა დაფიქსირდა და 25 ადამიანი გარდაიცვალა. ინფორმაციას ადგილობრივი მედია ავრცელებს.

პანდემიის დაწყების დროიდან ქვეყანაში კორონავირუსით ინფიცირების 556 430 შემთხვევა გამოვლინდა, აქედან 518 105 პაციენტი გამოჯანმრთელდა, 7 397 კი - გარდაიცვალა.

გამოცემა Bloomberg-ის მონაცემებით, აზერბაიჯანში მოსახლეობის დაახლოებით 44.5 % სრულადაა ვაქცინირებული.