ეროვნული ბანკის შენობასთან „გირჩი - მეტი თავისუფლების“ აქცია-პერფორმანსი მიმდინარეობს. პარტიის წევრები ეროვნულ ბანკთან ყავას 1 დოლარად ყიდიან, რაც მოქმედი რეგულაციების თანახმად აკრძალულია.
როგორც ისინი აღნიშნავენ, მათი მიზანია საზოგადოებას აჩვენონ, რამდენად აბსურდული რეგულაციებია ქვეყანაში.
„დღევანდელი აქციის მიზანია, საზოგადოებას დავანახოთ რამდენად აბსურდული რეგულაციები გვაქვს ქვეყანაში ფინანსური მიმართულებით და როგორ ცდილობენ ჩაერიონ ჩვენს ეკონომიკურ ურთიერთობებში. დღეს აქ შეგიძლიათ ყავა შეიძინოთ 1 დოლარად, რაც არის რეგულაციის დარღვევა. საქართველოს კანონმდებლობის მიხედვით მხოლოდ ლარით შეგიძლიათ ანგარიშწორება, ასევე შეგიძლიათ გადაიხადოთ კრიპტო ვალუტით და ასევე შეგიძლიათ ჩვენგან ისესხოთ 1 დოლარი, რაც ასევე რეგულაციის დარღვევაა“,- აღნიშნავს აქციის ერთ-ერთი მონაწილე.