სუდანის დედაქალაქ ხართუმში ქვეყნის სამხედრო ლიდერის აბდელ ფატა ალ-ბურჰანის გადადგომის მოთხოვნით მასშტაბური აქცია გაიმართა. უსაფრთხოების ძალებმა აქციის დასაშლელად ცრემლსადენი გაზი გამოიყენეს.
Reuters-ის ინფორმაციით, ათასობით ადამიანი ქუჩაში მას შემდეგ შეიკრიბა, რაც ქვეყნის სამხედრო ლიდერმა აბდელ ფატა ალ-ბურჰანმა განაცხადა, რომ სუდანის სამართავად ახალ საბჭოს შექმნის. ქვეყნის პროდემოკრატიული ჯგუფები ალ-ბურჰანის მმართველობას აპროტესტებენ და მის გადადგომას ითხოვენ. სუდანში სამხედრო გადატრიალება გასულ თვეს მოხდა. სამხედროებმა პრემიერ-მინისტრი და მთავრობის სხვა წევრები დააკავეს და ქვეყანაში საგანგებო მდგომარეობა გამოაცხადეს.
გენერალმა აბდელ-ფატა ბურჰანმა განაცხადა, რომ მან დაშალა სუვერენული საბჭო - სამოქალაქო და სამხედრო პირებისგან შემდგარი ორგანო - ისევე, როგორც პრემიერ-მინისტრის, აბდალა ჰამდოკის გარდამავალი მთავრობა.