„გირჩი-მეტი თავისუფლება“ აცხადებს, რომ მჩხიბავს შსს-ზე ჯადო გააკეთებინეს
პარტია „გირჩი - მეტი თავისუფლება“ აცხადებს, რომ ზაჰესის წინასწარი დაკავების იზოლატორთან მჩხიბავს შსს-ზე ჯადო გააკეთებინეს.
ორგანიზატორთა თქმით, ითხოვენ სამართალდამცველების მიერ „გირჩი-მეტი თავისუფლების“ წევრების გათავისუფლებას.
მანამდე, პარტიამ სოციალურ ქსელში განცხადება გაავრცელა:
„დღეს “გირჩი-მეტი თავისუფლება” მჩხიბავს გააკეთებინებს ჯადოს შსს-ზე. ქ-ნი სტელა სტამბოლიდან ჩამოვიყვანეთ და პოლიტსაბჭოსთან შეთანხმებით დავაგეგმინეთ ჯადო. იგი მეოთხე თაობის მჩხიბავია და მსოფლიოს საუკეთესო მჩხიბავთა 27-ეულში შედის. ჩვენი მოთხოვნა არის “გირჩი-მეტი თავისუფლების” პოლიტიკოსების გათავისუფლება, რომლებიც უკანონოდ დააკავეს. წინააღმდეგ შემთხვევაში ჯადოს არ მოვხსნით. გთხოვთ გაითვალისწინოთ, რომ ჯადოს მოხსნა მხოლოდ ქ-ნ სტელას შეუძლია, რადგან მისი გამოყენებული მაგიის მოხსნა, კონკრეტულად მას მოითხოვს“, - ნათქვამია განცხადებაში.
