სომხეთი და აზერბაიჯანი სასაზღვრო მონაკვეთზე ცეცხლის გახსნის შესახებ იუწყებიან

სომხეთი და აზერბაიჯანი სასაზღვრო მონაკვეთზე ცეცხლის გახსნის შესახებ იუწყებიან.სომხეთის თავდაცვის სამინისტროს ინფორმაციით, აზერბაიჯანის შეიარაღებული ძალების ქვედანაყოფები შეეცადნენ, საზღვრის აღმოსავლეთის მიმართულებით შეტევა განეხორციელებინათ, რის შედეგადაც ინტენსიური ორმხრივი სროლები დაიწყო. ამის შესახებ განცხადებას უწყების პრესსამსახური ავრცელებს.

„14 ნოემბერს დაახლოებით 13:00 საათზე აზერბაიჯანის შეიარაღებული ძალების ქვედანაყოფები შეეცადნენ პოზიციური შეტევა განეხორციელებინათ სომხეთ-აზერბაიჯანის საზღვრის აღმოსავლეთის მიმართულებაზე. დაიწყო ინტენსიური ორმხრივი სროლა. სომხეთის სამხედროებმა აღკვეთეს მოწინააღმდეგის მცდელობა, განლაგებულიყვნენ აღნიშნულ რაიონში. ვითარება კვლავინდებურად დაძაბული რჩება“, - ნათქვამია პრესსამსახურის ინფორმაციაში.

აზერბაიჯანული მხარის ინფორმაციით, 13 ნოემბრის საღამოდან, 14 ნოემბრის ჩათვლით, სომხეთის შეირაღებული ძალების ქვედანაყოფები ბასარქერჩიარსკის რაიონიდან უმიზეზოდ ახორციელებდნენ ინტენსიურ სროლას სხვადასხვა სახის ცეცხლსასროლი იარაღებიდან აზერბაიჯანის ქელბაჯარსკის რაიონის დასახლებული პუნქტების მიმართულებით.

აზერბაიჯანის თავდაცვის უწყების ცნობით, ასევე უკანონო სომხური შეიარაღებული რაზმები აზერბაიჯანის ტერიტორიიდან, სადაც დროებით განთავსებულია რუსეთის სამშვიდობო ძალები, უმიზეზოდ, პერიოდულად ახორციელებდნენ სროლას სხვადასხვა კალიბრის იარაღებიდან.

მათივე ცნობით, აზერბაიჯანის არმიამ მიიღო ადეკვატური ზომები მოწინააღმდეგის პროვოკაციის აღსაკვეთად. აზერბაიჯანის მხარეს დანაკარგები არ აქვს და ვითარება სრულად კონტროლდება.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს