ინდოეთმა 90-ზე მეტი ქვეყნიდან ჩასული სრულად ვაქცინირებული ტურისტებისთვის საზღვრები გახსნა.

ინდოეთის ჯანდაცვის სამინისტროს მითითებების თანახმად, ინდოეთში შესვლის მსურველი უცხოელი ტურისტები სრულად ვაქცინირებულები უნდა იყვნენ, ან გამგზავრებამდე მაქსიმუმ 72 საათის განმავლობაში კორონავირუსზე ჩატარებული ტესტის უარყოფითი პასუხი წარადგინონ.

ინდოეთმა საკუთარი საზღვრები კორონავირუსის გავრცელების შეჩერების მიზნით 2020 წლის მარტში ჩაკეტა და ვიზების გაცემა შეწყვიტა. ახლა კი ქვეყანა, საერთაშორისო მოგზაურების წახალისების მიზნით, მომავალი წლის მარტის ჩათვლით 500 000 უფასო ვიზის გაცემას გეგმავს.