იენს სტოლტენბერგი - ნატო აკვირდება რუსული ძალების მნიშვნელოვან და უჩვეულო კონცენტრაციას უკრაინის საზღვართან

ნატო აკვირდება რუსული ძალების „მნიშვნელოვან და უჩვეულო“ კონცენტრაციას უკრაინის საზღვართან, თვალ-ყურს ადევნებს სიტუაციას და მოუწოდებს რუსეთს, თავი შეიკავოს ესკალაციისგან.

ამის შესახებ ნატოს გენერალურმა მდივანმა იენს სტოლტენბერგმა ბრიუსელში უკრაინის საგარეო საქმეთა მინისტრ დიმიტრი კულებასთან გამართულ პრესკონფერენციაზე განაცხადა.

იენს სტოლტენბერგის თქმით, მიმდინარე სიტუაცია მას წლის დასაწყისში, ყირიმისა და შავი ზღვის რეგიონში განვითარებულ მოვლენებს ახსენებს .

,,ნატო ფხიზლად რჩება და აკვირდება სიტუაციას“, - აღნიშნა ნატოს გენერალურმა მდივანმა. კითხვაზე, ხედავს თუ არა ის დონბასში საომარი კონფლიქტის რისკს, დიპლომატმა თქვა, რომ სადაზვერვო ინფორმაციაზე კომენტარს არ აკეთებს.

სტოლტენბერგმა ხაზგასმით აღნიშნა, რომ „რუსეთის მხრიდან ნებისმიერი პროვოკაცია ან აგრესიული ქმედება ნატოს დიდ შეშფოთებას გამოიწვევს“.

„ნატო მოუწოდებს რუსეთს იყოს გამჭვირვალე სამხედრო აქტივობაში, მნიშვნელოვანია ესკალაციის თავიდან აცილება და უკრაინის გარშემო დაძაბულობის შემცირება“, - დასძინა მან.

მანამდე, რუსეთის ფედერაციის პრეზიდენტის პრესმდივანმა დიმიტრი პესკოვმა დასავლურ მედიაში გავრცელებულ ინფორმაციას "უკრაინის ტერიტორიაზე რუსეთის ფედერაციის გეგმების შეჭრის შესახებ" "ცარიელი და უსაფუძვლო" უწოდა. რუსი დიპლომატის თქმით, რუსეთის ფედერაციის ტერიტორიაზე რუსეთის შეიარაღებული ძალების მოძრაობამ არავის შეშფოთება არ უნდა შეუქმნას, რადგან რუსეთის ფედერაცია არავის საფრთხეს არ უქმნის.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს