აშშ-ის დაავადებათა კონტროლისა და პრევენციის ცენტრი მოქალაქეებს ჩეხეთში, უნგრეთსა და ისლანდიაში გამგზავრებისგან თავის შეკავებას ურჩევს
აშშ-ს დაავადებათა კონტროლისა და პრევენციის ცენტრი (CDC) მოქალაქეებს ჩეხეთის რესპუბლიკაში, უნგრეთსა და ისლანდიაში გამგზავრებისგან თავის შეკავებას ურჩევს, რისი მიზეზიც აღნიშნულ ქვეყნებში კოვიდ-19-ის შემთხვევების მზარდი რაოდენობაა.
დაავადებათა კონტროლისა და პრევენციის ცენტრმა მოგზაურობასთან დაკავშირებული რეკომენდაცია რისკების შეფასების კუთხით ამ სამი ქვეყნისთვის მეოთხე დონემდე გაზარდა.
ამასთან, უწყებამ პირველ დონემდე შეამცირა სამოგზაურო რეკომენდაცია იაპონიისთვის, ინდოეთისთვის, პაკისტანისთვის, ლიბერიისთვის, გამბიისა და მოზამბიკისთვის, რაც იმას ნიშნავს, რომ აღნიშნულ ქვეყნებში გამგზავრებისას დაინფიცირების რისკი დაბალია.
