ევროკავშირის მართლმსაჯულების სასამართლოს (ECJ) გადაწყვეტილებით, უნგრეთის მიერ თავშესაფრის მაძიებელთა მხარდამჭერების კრიმინალიზაცია ევროკავშირის კანონმდებლობას ეწინააღმდეგება.

„ასეთი ქმედებების კრიმინალიზაცია გავლენას ახდენს ევროკავშირის საკანონმდებლო ორგანოს მიერ იმ აპლიკანტებისთვის დახმარების აღმოჩენაზე, რომლებსაც საერთაშორისო დაცვას სჭირდებათ“, - ნათქვამია განცხადებაში.

უნგრეთმა აღნიშნული სადავო კანონი 2018 წელს მიიღო, რასაც ბლოკის წევრებისა და ინსტიტუტების მხრიდან კრიტიკა მოჰყვა. ევროკომისიამ უნგრეთის მიერ მიღებული თავშესაფრის მაძიებელთა მხარდამჭერების კრიმინალიზაციის კანონი ევროკავშირის მართლმსაჯულების სასამართლოში გასააჩივრა.