სომხეთის შეიარაღებული ძალები სახელმწიფო საზღვარზე აზერბაიჯანის წინააღმდეგ ფართომასშტაბიან პროვოკაციებს აგრძელებენ, - ამის შესახებ აზერბაიჯანის თავდაცვის სამინისტროს მიერ გავრცელებულ განცხადებაშია აღნიშნული.
უწყების მტკიცებით, სახელმწიფო საზღვარზე სიტუაციის გამწვავების მიზნით, სომხეთის სამხედრო ნაწილებმა ლაჩინის რაიონში განლაგებული აზერბაიჯანული ქვედანაყოფების მიმართულებით სხვადასხვა კალიბრის ნაღმტყორცნებიდან და არტილერიიდან ცეცხლი გახსნეს.
„სომხური მხარის პროვოკაციების აღსაკვეთად აზერბაიჯანის არმიის ქვედანაყოფები ადეკვატურ ზომებს იღებენ“, - აცხადებენ აზერბაიჯანის თავდაცვის სამინისტროში.