„საქართველოს საზოგადოებრივი აზრის კვლევის ასოციაცია“ 22 ნოემბერს საჯარო დისკუსიას გამართავს, - ამის შესახებ ინფორმაციას ილიას სახელმწიფო უნივერსიტეტი ავრცელებს.
მათივე ცნობით, დისკუსიაზე განხილული იქნება პროფესიული ეთიკისა და ქცევის კოდექსი, შემუშავებული საერთაშორისო ექსპერტებისა და ქართველი მკვლევრების მონაწილეობით. დისკუსია გაიმართება ილიას სახელმწიფო უნივერსიტეტის, USAID საქართველოსა და HICD-ის მხარდაჭერით.
„პროფესიული გაერთიანება „საქართველოს საზოგადოებრივი აზრის კვლევის ასოციაციის“ მიზანია ხარისხიანი და მაღალეთიკური სტანდარტების შესაბამისად საზოგადოებრივი აზრისა და სხვა სამეცნიერო კვლევების ჩატარების ხელშეწყობა.
დისკუსიის დროს განიხილება მკვლევრისა და კვლევითი ორგანიზაციების პროფესიული პასუხისმგებლობა და მოვალეობები, პროფესიული ქცევის ზოგადი პრინციპები, გამჟღავნების წესები საზოგადოებრივი აზრისა და თვისებრივი კვლევებისთვის, ასევე Edison Research-ის მიერ საქართველოში ჩატარებული ეგზიტპოლები, როგორც მაღალეთიკური კვლევის მაგალითი. მოხსენებებით გამოვლენ საქართველოს საზოგადოებრივი აზრის კვლევის ასოციაციის წევრები, კვლევითი ორგანიზაციების წარმომადგენლები და მკვლევრები.
შეხვედრის მონაცემები:
შეხვედრის ბმული: https://bit.ly/3CbdtuY
Meeting ID: 829 6668 5058
Passcode: 868897
დრო: 22 ნოემბერი, 17:00-19:00
ფორმატი: დისტანციური, პლატფორმა ზუმის გამოყენებით; პირდაპირი ტრანსლაცია (ლაივი) ილიას სახელმწიფო უნივერსიტეტის ფეისბუქის გვერდზე“, - ნათქვამია გავრცელებულ ინფორმაციაში.