მიხეილ დაუშვილი „ქართულ ოცნებას“ - თქვენ უკვე ხელისუფლება კი არა, ოპოზიციის ოპოზიცია ხართ

ადამიანმა რომ მოგისმინოთ, განცდა დაგრჩება, რომ ქვეყანაში ყველაფერი გადასარევად არის, კოვიდი დამარცხებულია, უმუშევრობის მაჩვენებელი მცირდება, ეკონომიკა იზრდება, ადამიანების კეთილდღეობა უმჯობესდება და ასე შემდეგ. ეს ყველაფერი ილუზიაა, რომლის შექმნასაც ცდილობთ და სინამდვილე არის ძალიან სამწუხარო ჩვენი ქვეყნისთვის და მოქალაქეებისთვის, - ასე მიმართა დღეს პარტია „საქართველოსთვის" პოლიტსაბჭოს წევრმა, მიხეილ დაუშვილმა „ქართული ოცნების“ წარმომადგენლებს.

ის დაინტერესდა, სად არის მმართველი პარტიის წარმომადგენლების პასუხისმგებლობა.

„სინამდვილე ის არის, რომ უმუშევრობის მაჩვენებელი ბოლო წლებისთვის რეკორდულია, ინფლაცია ბოლო წლებისთვის რეკორდულია, მაგალითად: ივნისი 9.9, ივლისი 11. 9, აგვისტო 12.8, სექტემბერი 12.3, ოქტომბერი 12.8. კოვიდი რომ ნეგატიურ კონტექსტში რეკორდებს ამყარებს და ყოველდღიურად ათეულობით ჩვენს მოქალაქეს ვკარგავთ. სოციალურად დაუცველთა რაოდენობაც რეკორდულია. ამას პირველად არ ვკითხულობ - აი თითოეული ამ მიმართულებით თქვენი პასუხისმგებლობა რა არის, სად არის და რა გეგმა გაქვთ", - აღნიშნა მან.

მისი თქმით, ხელისუფლების დღის წესრიგში მოქალაქეების ინტერესები არ ჩანს. „სამწუხაროდ, ამაზე არანაირ პასუხს არ ვისმენთ. ვისმენთ მხოლოდ რაღაც გაუგებარ, გაურკვეველ დაპირისპირებას სხვადასხვა პოლიტიკური მიმართულებით, მეტი არაფერს! მოქალაქეზე ორიენტირებული დღის წესრიგი და მოქალაქე სად არის დღეს თქვენს ყოველდღიურობაში ეს აბსოლუტურად არ ჩანს, იმიტომ რომ მოქალაქე არ გაინტერესებთ, არ გახსოვთ. გაინტერესებთ მხოლოდ და მხოლოდ ძალაუფლების შენარჩუნება", - განაცხადა დაუშვილმა.

პარტია „საქართველოსთვის" წარმომადგენელმა ხაზი გაუსვა, რომ არსებული ეკონომიკური ზრდა წინა წელს პანდემიის სწორად მართვის შედეგია, თუმცა ამჟამად არსებული სურათის სამომავლო განვითარება უკვე კითხვის ნიშნის ქვეშაა, რადგან მმართველი პარტია პოლიტიკურ სტაბილურობას ვეღარ უზრუნველყოფს.

„ორნიშნა ეკონომიკური ზრდა რა თქმა უნდა ძალიან კარგია, მაგრამ უნდა გაითვალისწინოთ, რომ გასულ წელს კოვიდი სწორად რომ არ ემართა გახარიას, ეს ორნიშნა ეკონომიკური ზრდა მიუღწეველი იქნებოდა. ახლა ერთ-ერთი მთავარი პრობლემაა, რომ ქვეყნის განვითარებას, ეკონომიკურ ზრდას, დოვლათის, კეთილდღეობის შექმნას სჭირდება პირველ რიგში პოლიტიკური სტაბილურობა, პოლიტიკური სტაბილურობა არის ამ ყველაფრის ფუნდამენტი. პრობლემა ისაა, რომ "ოცნება" პოლიტიკურ სტაბილურობას ვეღარ ქმნის და ვეღარ განაპირობებს. პოლიტიკური სტაბილურობა უკვე დიდი ხანია აღარ არსებობს ქვეყანაში. პოლიტიკურ სტაბილურობას ვეღარ ქმნით იმიტომ, რომ ამის პოლიტიკური რესურსი და ლეგიტიმაცია არ გაგაჩნიათ და ამ პოლიტიკურ სტაბილურობას ეს ყველაფერი სჭირდება, რომელიც თქვენ აღარ გაქვთ”, - მიმართა დაუშვილმა სამთავრობო პარტიას.

მიხეილ დაუშვილის თქმით, ხელისუფლების მიერ „რიგითი მოქალაქე უბრალოდ დავიწყებულია”.

„თქვენი გეგმები რა არის ამ მიმართულებებით, ადამიანებს აინტერესებთ სწორედ მათი ხვალინდელი დღე და ქვეყნის მომავალი, ქვეყნის განვითარება რა მიმართულებით მიდის. მაგრამ, სამწუხაროდ, არ გაქვთ ხედვა და არ იცით რა უნდა გააკეთოთ, იცით რატომ? იმიტომ, რომ დღეს უკვე შეიძლება გაფორმებულად ითქვას, რომ „ოცნება" ხელისუფლებაში კი არ არის, "ოცნებისგან" დარჩა მხოლოდ ოპოზიციის ოპოზიცია. რეალურად თქვენ პასუხისმგებლიანი ხელისუფლება კი არა, უკვე ოპოზიციის ოპოზიცია ხართ და ეს არის ამ ქვეყნის სამწუხარო რეალობა", - განაცხადა პარტია „საქართველოსთვის" წევრმა, მიხეილ დაუშვილმა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს