რუსეთის პრეზიდენტმა, ვლადიმერ პუტინმა და სომხეთის პრემიერ-მინისტრმა, ნიკოლ ფაშინიანმა სატელეფონო საუბარი გამართეს, რომლის დროსაც სომხეთ-აზერბაიჯანის საზღვარზე არსებული ვითარება განიხილეს, - ინფორმაციას რუსული მედია კრემლის პრესსამსახურზე დაყრდნობით ავრცელებს.
„რუსეთის პრეზიდენტმა ვლადიმერ პუტინმა და სომხეთის პრემიერ-მინისტრმა ნიკოლ ფაშინიანმა სომხეთ-აზერბაიჯანის საზღვარზე რამდენიმე ინციდენტის შემდეგ შექმნილი ვითარება განიხილეს “, - ნათქვამია განცხადებაში.
მათივე ინფორმაციით, ვლადიმერ პუტინი და ნიკოლ ფაშინიანი შეთანხმდნენ, რომ აღნიშნულ საკითხზე კონტაქტს შეინარჩუნებენ.
კრემლის პრესსამსახურში აცხადებენ, რომ სატელეფონო საუბარი ნიკოლ ფაშინიანის ინიციატივით შედგა.
აზერბაიჯანი-სომხეთის საზღვარზე ვითარება ბოლო დღეების განმავლობაში მნიშვნელოვნად დაიძაბა. მხარეები ერთმანეთს ცეცხლის გახსნასა და პროვოკაციის განხორციელებაში ადანაშაულებენ.