ნიკარაგუის პრეზიდენტსა და მის მეუღლეს აშშ-ში შესვლა აეკრძალათ

ნიკარაგუის პრეზიდენტს, დანიელ ორტეგას და მის მეუღლეს, ვიცე-პრეზიდენტ როსარიო მურილოს, ასევე მთავრობის სხვა წარმომადგენლებს შეერთებულ შტატებში შესვლა აეკრძალათ.

მედიის ინფორმაციით, აშშ-ის პრეზიდენტმა ჯო ბაიდენმა შესაბამის განკარგულებას ხელი უკვე მოაწერა.

აშშ-ის ხელისუფლებამ ეს გადაწყვეტილება ნიკარაგუაში 7 ნოემბერს ჩატარებული საპრეზიდენტო არჩევნების საპასუხოდ მიიღო, რომლის შედეგების თანახმად, როსარიო მურილო ნიკარაგუის პრეზიდენტი მეოთხე ვადით გახდა. არჩევნები საერთაშორისო საზოგადოებამ დაგმო და ფარისევლობად შეაფასა.

„ორტეგას მთავრობის რეპრესიული და შეურაცხმყოფელი ქმედებები და ისინი, ვინც მას მხარს უჭერს, აიძულებს შეერთებულ შტატებს, იმოქმედოს,“- აღნიშნულია ბაიდენის მიერ ხელმოწერილ დოკუმენტში.

ორტეგასა და მისი მეუღლის გარდა აშშ-ში შესვლა ეკრძალებათ ნიკარაგუაში ყველა არჩეულ თანამდებობის პირს, მათ შორის უშიშროების ძალების წევრებს, მოსამართლეებს, მერებსა და სხვებს.

ცნობისათვის, ერთი დღით ადრე შეერთებულმა შტატებმა ნიკარაგუას მთავრობას ფინანსური სანქციებიც დაუწესა. ორტეგას რეჟიმის ოფიციალური პირების წინააღმდეგ სანქციების დაწესების შესახებ განცხადება გააკეთეს კანადამ და გაერთიანებულმა სამეფომაც.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“