რუსეთში, გასული დღე-ღამის განმავლობაში, კორონავირუსით კიდევ 1247 ადამიანი გარდაიცვალა, რაც ყველაზე მაღალი დღიური მაჩვენებელია ქვეყნისთვის პანდემიის დაწყების დროიდან. ამასთან, ბოლო 24 საათის განმავლობაში, კორონავირუსის 36 626 ახალი შემთხვევა გამოვლინდა.

რუსეთში ჯამში, ინფიცირების 9 182 538 შემთხვევაა დადასტურებული, აქედან ვირუსს 259 084 ადამიანი ემსხვერპლა, 7.9 მილიონამდე პაციენტი კი - გამოჯანმრთელდა.

პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი მსოფლიოში მე-5 ადგილზეა აშშ-ის, ინდოეთის, ბრაზილიისა და გაერთიანებული სამეფოს შემდეგ.