ევროკავშირი სომხეთსა და აზერბაიჯანს ცეცხლის შეწყვეტის შესახებ მიღწეული შეთანხმების შესრულებისკენ მოუწოდებს.

„ევროკავშირი ღრმად შეშფოთებულია სომხეთისა და აზერბაიჯანის საზღვარზე ბოლოდროინდელი მოვლენების გამო. ევროკავშირი მხარეებს სასწრაფო დეესკალაციის, ცეცხლის სრულ შეწყვეტის, თავშეკავებისა და მოლაპარაკებისკენ მოუწოდებს, რისი მიზანიც მოსახლეობისა და რეგიონის სტაბილურობაა“, - წერს ევროკავშირის საგარეო ურთიერთობათა სამსახურის პრესსპიკერი, პიტერ სტანო „ტვიტერის“ საკუთარ გვერდზე.

იქამდე კი, ევროპული საბჭოს პრეზიდენტმა შარლ მიშელმა აზერბაიჯანის პრეზიდენტ ილჰამ ალიევთან და სომხეთის პრემიერ-მინისტრ ნიკოლ ფაშინიანთან სატელეფონო საუბარი განმართა.

მან მხარეებს საომარი მოქმედებების დაუყოვნებლივ შეწყვეტისკენ მოუწოდა.