მედია - ბელარუსმა პოლონეთ-ბელარუსის საზღვარზე დაბანაკებული ასობით მიგრანტი თავშესაფარში გადაიყვანა

პოლონეთ-ბელარუსის საზღვარზე დაბანაკებული ასობით მიგრანტი ბელარუსის ტერიტორიაზე მდებარე შენობაში გადაიყვანეს.

ბელარუსის სახელმწიფო საინფორმაციო სააგენტო „ბელტას“ ინფორმაციით, მიგრანტები საზღვართან დაახლოებით 500 მეტრში მდებარე საწყობის მსგავს შენობაში გადაიყვანეს, სადაც მათ საშუალება აქვთ, კარვებში სიცივეში გატარებული დღეების შემდეგ, თბილ შენობაში დაისვენონ. მათ შესთავაზეს საკვები, წყალი, სამედიცინო დახმარება, ლეიბები და ბალიშები.

სააგენტოს ცნობით, შენობაში გადასვლაზე თანხმობა 1000-მდე მიგრანტმა განაცხადა, თუმცა, მათი ნაწილი აცხადებს, რომ სამშობლოში დაბრუნებას არ აპირებს. მიგრანტების ნაწილმა კი საზღვართან დარჩენა გადაწყვიტა და თავშესაფარში გადასვლაზე უარი განაცხადა.

მიუხედავად იმისა, რომ მინსკიდან ერაყში ავიარეისების განხორციელებასა და მიგრანტების სამშობლოში დაბრუნებაზე შეთანხმება მიღწეულია, გაურკვეველია, რამდენი მიგრანტი დათანხმდება დაბრუნებას. ერაყის ხელისუფლებამ საკუთარ მოქალაქეებს დაბრუნებისკენ მოუწოდა და განუცხადა, რომ ევროკავშირისკენ მიმავალი გზა ჩაკეტილია. ნებაყოფლობითი რეპატრიაციის განხორციელების მიზნით პირველი რეისი მინსკიდან ერაყში დღეისთვის არის დაგეგმილი. შეგახსენებთ, ბელარუსის პრეზიდენტმა ალექსანდრე ლუკაშენკომ და გერმანიის კანცლერის მოვალეობის შემსრულებელმა ანგელა მერკელმა მიმდინარე კვირაში ორი სატელეფონო საუბარი გამართეს. მხარეებმა ხაზგასმით აღნიშნეს, რომ მიგრანტებს გაეროს ლტოლვილთა უმაღლესი კომისარიატისა და მიგრაციის საერთაშორისო ორგანიზაციის დახმარებით თავიანთ ქვეყნებში დაბრუნების საშუალება უნდა მიეცეთ.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ