გიგი წერეთელი - ომბუდსმენის, როგორც მესამე მხარის ჩართვა პროცესში, იქნება უპრეცედენტო და საჭირო აქტი, რათა ობიექტური ინფორმაცია მიეწოდოს სასამართლოს

ომბუდსმენის, როგორც მესამე მხარის ჩართვა პროცესში, იქნება უპრეცედენტო და საჭირო აქტი, რათა ობიექტური ინფორმაცია მიეწოდოს სასამართლოს იმ გადაწყვეტილების წინ, რომელმაც ჩემი აზრით, სიტუაცია პოზიტიურად უნდა შეცვალოს , - ამის შესახებ „ევროპული საქართველოს“ პოლიტსაბჭოს თავმჯდომარე, გიგი წერეთელმა ჟურნალისტებთან საუბრისას განაცხადა.

მისივე თქმით, ომბუდსმენის როლი საქართველოში შექმნილ პოლიტიკურ კრიზისსა და მიხეილ სააკაშვილის პატიმრობასთან დაკავშირებულ საკითხებში უმნიშვნელოვანესია.

"უპირველეს ყოვლისა მინდა აღვნიშნო, რომ სახალხო დამცველი ძალიან სერიოზულ, ძალიან მნიშვნელოვან როლს ასრულებს მთელ ამ პროცესში, რაც ეხება საქართველოში პოლიტიკურ კრიზისსა და მიხეილ სააკაშვილის პატიმრობასთან დაკავშირებულ საკითხებს. განსაკუთრებით ბოლო აქტი, კომპეტენტური ექიმებით დაკომპლექტებული კონსილიუმის შექმნა და ახლა მეორე ნაბიჯიც, რაც ასევე არის უპრეცედენტო, როდესაც მან მიმართა სტრასბურგის სასამართლოს, რომ მესამე მხარედ ჩაერთოს პროცესში, რაც უდავოდ იქნება ძალიან საინტერესო პრეცედენტიც და მე ვფიქრობ, რომ ძალიან საჭიროც, რათა სამართლიანი, ობიექტური ინფორმაცია მიეწოდოს სასამართლოს იმ გადაწყვეტილების წინ, რომელიც იმედი მაქვს აღმოჩნდება დრამატულად შემცვლელი, პოზიტიურ კონტექსტით ვამბობ ამას, მთელი ამ ვითარებისა რაც დღეს არის“, - განაცხადა წერეთელმა.

სახალხო დამცველის მიერ შექმნილმა სპეციალისტთა/ექსპერტთა ჯგუფმა ყოფილი პრეზიდენტის, მიხეილ სააკაშვილის სამედიცინო მდგომარეობის მონიტორინგის შედეგებზე დასკვნა გამოაქვეყნა.

დასკვნის თანახმად, პაციენტ მიხეილ სააკაშვილის მდგომარეობის კრიტიკულობიდან გამომდინარე, მისი მკურნალობის გაგრძელება დაუყოვნებლივ რეკომენდებულია ფუნქციურად გამართულ და დიდი გამოცდილების მქონე პოლიპროფილურ ჰოსპიტალში კერძოდ ინტენსიური თერაპიის განყოფილებაში, რის პირობებსაც მე-18 დაწესებულების კლინიკა არ აკმაყოფილებს.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით