საფრანგეთი და გერმანია რუსეთს დიპლომატიური წესების დარღვევაში ადანაშაულებენ

საფრანგეთმა და გერმანიამ რუსეთი დიპლომატიური პროტოკოლის დარღვევაში დაადანაშაულეს იმის გამო, რომ რუსეთის საგარეო საქმეთა სამინისტრომ პარიზს, ბერლინსა და მოსკოვს შორის უკრაინის საკითხზე კონფიდენციალური მიმოწერა გაასაჯაროვა.

„მიგვაჩნია, რომ ეს მიდგომა ეწინააღმდეგება დიპლომატიურ წესებსა და ჩვეულებებს“, - განაცხადა საფრანგეთის საგარეო საქმეთა სამინისტროს პრესსპიკერმა ენ-კლერ ლეჟანდრმა.

გერმანიის კანცლერის მოვალეობის შემსრულებლის, ანგელა მერკელის განცხადებით, რუსეთის ქმედება არსებითად არაფერს ცვლის, რადგან უკრაინის საკითხზე შეხვედრა მაინც არ შედგა.

„არაფერი გამკვირვებია. მე ხშირად ვკითხულობ ჩემს წერილებს გაზეთებში. ჩვენ, რა თქმა უნდა, დასამალი არაფერი გვაქვს", - განაცხადა მერკელმა.

მისი თქმით, რუსეთის პრეზიდენტს, ვლადიმერ პუტინს პირადად სთხოვა უკრაინის საკითხზე ნორმანდიული ოთხეულის წევრი ქვეყნების ლიდერების შეხვედრა მისი კანცლერობის პერიოდში შემდგარიყო, თუმცა ეს არ მოხდა და ის, რომ პუტინი ასე არ მოიქცა, სამარცხვინო იყო, "რადგან შეხვედრებს თავისი დინამიკა აქვს და პროგრესის მიღწევის საშუალებას იძლევა ერთი შეხედვით გადაუჭრელ სიტუაციებშიც კი."

მანამდე, საფრანგეთმა და გერმანიამ რუსეთი დაადანაშაულეს, რომ აღმოსავლეთ უკრაინის საკითხზე ე.წ. ნორმანდიული ოთხეულის ფორმატში დიპლომატების შეხვედრის ჩატარება რუსეთის საგარეო საქმეთა მინისტრის უარის გამო ვერ მოხერხდა.

ამის შემდეგ რუსეთის მთავრობამ გამოაქვეყნა 28-გვერდიანი დიპლომატიური დოკუმენტი იმის დასამტკიცებლად, რომ სერგეი ლავროვს შეხვედრაზე უარი არ უთქვამს, არამედ კონკრეტულ, 11 ნოემბრის შეხვერაში მონაწილეობის მიღებას ვერ ახერხებდა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა