ავსტრიის პარლამენტმა ყოფილ კანცლერს, სებასტიან კურცს, რომელსაც კორუფციაში ადანაშაულებენ, იმუნიტეტი მოუხსნა.
გადაწყვეტილებას იმუნიტეტის მოხსნის შესახებ მხარი მისმა მემარჯვენე-ცენტრისტულმა „ავსტრიის სახალხო პარტიამაც“ დაუჭირა.
საკუთარი იმუნიტეტის მოხსნა მანამდე თავად კურცმა მოითხოვა და განაცხადა, რომ სურდა გამოძიების ჩატარება და იმ "ცრუ" ბრალდებების წინააღმდეგ ბრძოლა.
ბრალდებების თანახმად, რის გამოც სებასტიან კურცმა კანცლერის თანამდებობა ოქტომბერში დატოვა, მან სახელმწიფოს კუთვნილი ფული გადაიხადა იმისთვის, რომ საკუთარი იმიჯის გასაძლიერებლად ჩატარებული საზოგადოებრივი აზრის კვლევები დაეფინანსებინა. კურცი ბრალდებებს კატეგორიულად უარყოფს. ამასთან, მიუხედავად იმისა, რომ კურცმა კანცლერის თანამდებობა დატოვა, კვლავ რჩება პარლამენტის წევრად და „ავსტრიის სახალხო პარტიისა“ და მისი საპარლამენტო ჯგუფის ხელმძღვანელად.