აშშ-ის პრეზიდენტი ჯო ბაიდენი პეკინის ზამთრის ოლიმპიური თამაშებისთვის დიპლომატიური ბოიკოტის საკითხს განიხილავს. ამის შესახებ ბაიდენმა თეთრ სახლში კანადის პრემიერ-მინისტრ ჯასტინ ტრუდოსთან შეხვედრის დროს განაცხადა.
მისი თქმით, აშშ აპირებს, არ გააგზავნოს ოფიციალური პირები ოლიმპიურ თამაშებზე დასასწრებად, თუმცა საბოლოო გადაწყვეტილება ჯერ მიღებული არ არის. ბოიკოტის მიზეზად ბაიდენი ჩინეთის ხელისუფლების მხრიდან ადამიანის უფლებების დარღვევებს ასახელებს.
მისი თქმით, ოფიციალური პეკინი მუსლიმი უიღურების მიმართ ჩადენილ დანაშაულს კვლავ უარყოფს. პეკინის ზამთრის ოლიმპიური თამაშები 2022 წლის 4-დან 20 თებერვლამდე გაიმართება.