გერმანიის ჯანდაცვის მინისტრის მოვალეობის შემსრულებელი იენს შპანი ქვეყანაში არსებული კოვიდსიტუაციის გამო „ლოქდაუნის“ დაწესებას არ გამორიცხავს.
„ჩვენ ახლა ისეთ სიტუაციაში ვართ, რომ ვერაფერს გამოვრიცხავთ“, - აღნიშნა შპანმა დღეს გამართულ ბრიფინგზე.
გერმანიაში, გასული დღე-ღამის განმავლობაში, კორონავირუსის 52 970 ახალი შემთხვევა გამოვლინდა და 201 ადამიანი გარდაიცვალა. ქვეყნის კანცლერის მოვალეობის შემსრულებელმა ანგელა მერკელმა გუშინ განაცხადა, რომ რეგიონებში, სადაც საავადმყოფოებში კოვიდ პაციენტების რაოდენობა სახიფათოდ დიდია, გარკვეული შეზღუდვები დაწესება იმ პირებისთვის, რომლებიც კოვიდ 19-ის წინააღმდეგ ვაქცინირებულები არ არიან და არც ვირუსი გადაუტანიათ.