დავით ზალკალიანის განცხადებით, საოკუპაციო ძალების მიერ უკანონოდ დაკავებული გენადი ბესტაევისა და ირაკლი ბებუას საკითხს უწყება ყველა ფორმატში  განიხილავს

საგარეო საქმეთა მინისტრის დავით ზალკალიანის განცხადებით, საოკუპაციო ძალების მიერ უკანონოდ დაკავებული გენადი ბესტაევისა და ირაკლი ბებუას საკითხს უწყება ყველა ფორმატში განიხილავს. როგორც მან პარლამენტში „მინისტრის საათის“ ფორმატში სიტყვით გამოსვლისას განმარტა, საგარეო საქმეთა სამინისტრო დაინტერესებულია, რომ ყველა დაკავებული სწრაფად გათავისუფლდეს.

“ბესტაევის და ბებუას საკითხს რაც შეეხება, არ დაგვიტოვებია არც ერთი ფორმატი, ფორუმი, ორმხრივი ჩარჩო, რომ ეს საკითხი არ იყოს დღის წესრიგში, მათ შორის ჰუმანიტარული „წითელი ჯვრის და ნახევარმთვარის“ ორგანიზაციები. ვისაც შეუძლია შესვლა, შედიან და მეთვალყურეობას უწევენ ჯანმთელობის მდგომარეობას. ის მექანიზმი, რომელიც ზაზა გახელაძესთან მიმართებით გამოვიყენეთ, ეს მექანიზმიც ამოქმედებულია, საჯაროდ ამ თემაზე საუბარი არ მინდა. მთავარია შედეგი დადგეს. მინდა დაგარწმუნოთ, რომ ჩვენ დაინტერესებული ვართ, რაც შეიძლება სწრაფად მოხდეს ყველა დაკავებულის გათავისუფლება.

ჟენევის ფორმატში ჩვენ გვაქვს შეთავაზება, ვისაუბროთ ახალ მექანიზმებზე. რუსეთი ამას იყენებს შიდა პოლიტიკურ პროცესებში ზემოქმედების მექანიზმად და ბერკეტად. ამიტომ, ჩვენ ვთავაზობთ ახლებურად მივუდგეთ საკითხს, ახლებური მექანიზმი შევქმნათ“, - განაცხადა ზალკალიანმა.

მანვე აღნიშნა, რომ ოკუპირებულ ტერიტორიებზე არსებული მძიმე ჰუმანიტარული ვითარების საკითხიც ყველა შესაძლო ფორმატში განიხილება.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
შეიძინე Samsung-ის სმარტფონი მხოლოდ ოფიციალური ჰოლოგრამით და ჩაერთე Trade-In აქციაში
„სიმეტრია პარკი“ ოქროყანაში - თბილისს მალე ახალი ჯანსაღი საცხოვრებელი გარემო შეემატება
ჰუალინგის თავისუფალმა ინდუსტრიულმა ზონამ საერთაშორისო აღიარება მოიპოვა
„თქვენს გზავნილზე ახალი საჩუქარია“ - ლიბერთი საერთაშორისო ფულად გზავნილებზე ახალი კამპანიას იწყებს
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს