ნიდერლანდებში პოლიციასა და კოვიდ შეზღუდვების მოწინააღმდეგე დემონსტრანტებს შორის შეტაკება მოხდა, დაშავებულია 7 და დაკავებულია 20 ადამიანი

ნიდერლანდებში, ქალაქ როტერდამში სამართალდამცავებსა და მომიტინგეებს შორის, რომლებიც ახალ კოვიდ შეზღუდვებს აპროტესტებდნენ, დაპირისპირება მოხდა.

BBC-ის ინფორმაციით, არეულობის დროს პოლიციამ ცეცხლსასროლი იარაღით მინიმუმ ორი ადამიანი დაჭრა. ქალაქ როტერდამში კორონავირუსთან დაკავშირებული შეზღუდვების გასაპროტესტებლად ასობით ადამიანი შეიკრიბა.

სოციალურ მედიაში გამოქვეყნებულ ვიდეოებში ნაჩვენებია პოლიციის დამწვარი მანქანები და არეულობის მონაწილეები, რომლებიც პოლიციელებს ქვებს და პიროტექნიკას ესვრიან. სპეცრაზმმა მათ დასაშლელად წყლის ჭავლი გამოიყენა.

ამასთან, ადგილობრივი პოლიციის პრესსპიკერის განცხადებით, პოლიციამ გამაფრთხილებელი და პირდაპირი გასროლა განახორციელა, რადგან „სიტუაცია სიცოცხლისთვის საშიში იყო".

გავრცელებული ინფორმაციით, არეულობის დროს 7 ადამიანი დაშავდა და სამართალდამცავებმა 20 პირი დააკავეს. ქალაქში საგანგებო მდგომარეობა გამოცხადდა და მისი მთავარი სადგური დაიხურა. ნიდერლანდების ხელისუფლებამ გასულ შაბათს ახალი შეზღუდვები დააწესა, რომელიც რესტორნებისა და მაღაზიების ადრე დახურვასა და სპორტული ღონისძიებების მაყურებლის გარეშე ჩატარებას ითვალისწინებს. ამასთან, ხელისუფლება კოვიდ საშვების ამოქმედებასაც გეგმავს, რაც იმას ნიშნავს, რომ სხვადასხვა დახურულ დაწესებულებაში, როგორიცაა მაგალითად ბარები და რესტორნები, მხოლოდ ვაქცინირებული ან ვირუსისგან გამოჯანმრთელებული პირები დაიშვებიან.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება