ბულგარეთში საპრეზიდენტო არჩევნების მეორე ტური მიმდინარეობს. 6.7 მილიონ ამომრჩეველს ხმის მიცემა ქვეყნის მასშტაბით გახსნილ 13 000 საარჩევნო უბანზე შეუძლია. 68 ქვეყანაში კი 750 უბანია გახსნილი.

საარჩევნო ბიულეტენებში ამომრჩევლებმა არჩევანი უნდა გააკეთონ მოქმედ პრეზიდენტ რუმენ რადევსადა ანასტას გერჯიკოვს შორის, რომელიც სოფიის უნივერსიტეტის რექტორია.

გერჯიკოვის კანდიდატურა საინიციატივო კომიტეტმა და ყოფილმა მმართველმა პარტიამ „მოქალაქეები ბულგარეთის ევროპული განვითარებისთვის“ წამოაყენა.

საპრეზიდენტო არჩევნების პირველ ტურში, რომელიც 14 ნოემბერს გაიმართა, რადევმა ხმათა 49.41 % მოიპოვა, გერჯიკოვმა - 22.82 %. მეორე ტურში ერთ-ერთმა მათგანმა ხმათა უმრავლესობა უნდა მიიღოს. საარჩევნო პროცესს 4 0000 დამკვირვებელი აკვირდება.

პირველადი შედეგები ადგილობრივი დროით 20:00 საათისთვის იქნება ცნობილი, როდესაც საარჩევნო უბნები დაიხურება.