სომალის დედაქალაქში, ალ შაბააბმა თვითმკვლელმა ტერორისტმა ცნობილი სომალელი ჟურნალისტი მოკლა. ინფორმაციას Reuters ავრცელებს.

აბდიაზიზ მოჰამუდ გულედი, საყოველთაოდ ცნობილი როგორც აბდიაზიზ აფრიკა, მუშაობდა მთავრობის კუთვნილ რადიო მოგადიშოში.

სამხედრო დაჯგუფება ალ შაბააბმა დაადასტურა, რომ თავდასხმის უკან სწორედ ისინი დგანან.

"მოჯაჰედები დიდი ხნის განმავლობაში ნადირობდნენ აბდიაზიზზე. მან ჩაიდინა დანაშაულები ისლამის წინააღმდეგ, ის მონაწილეობდა მოჯაჰედების მკვლელობაში", - განუცხადა "როიტერს" ტელეფონით ალ შაბააბის სამხედრო ოპერაციის სპიკერმა აბდიასის აბუ მუსაბმა.

თვითმხილველების თქმით, თავდასხმის შედეგად, რომელიც რესტორანთან მოხდა, ოთხი ადამიანი დაშავდა.