რუსეთში, გასული დღე-ღამის განმავლობაში, კორონავირუსით ინფიცირების 36 970 ახალი შემთხვევა გამოვლინდა და დაინფიცირებულთა საერთო რაოდენობა 9 331 158 -მდე გაიზარდა, - ინფორმაციას ადგილობრივი მედია ავრცელებს.

ამასთან, ქვეყანაში, ბოლო 24 საათში, კოვიდ 19-ით კიდევ 1 252 პაციენტი დაიღუპა და ვირუსით დაღუპულთა რიცხვმა, ჯამში, 264 095 შეადგინა.

პანდემიის დაწყების დროიდან რუსეთში კოვიდ 19-ისგან 8 024 930 პაციენტი გამოჯანმრთელდა. პლატფორმა worldometer-ზე გამოქვეყნებული სტატისტიკის თანახმად, კოვიდინფიცირებული პაციენტების რაოდენობის მიხედვით, რუსეთი მსოფლიოში მე-5 ადგილზეა აშშ-ის, ინდოეთის, ბრაზილიისა და გაერთიანებული სამეფოს შემდეგ.