რუსეთის საგარეო საქმეთა სამინისტრო საფუძვლიანად ემზადება რუსეთისა და ამერიკის შეერთებული შტატების პრეზიდენტების ვლადიმერ პუტინისა და ჯო ბაიდენის შეხვედრისთვის. რუსული მედიის ინფორმაციით, ამის შესახებ რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა.

„იმისთვის, რომ კონტაქტი შედგეს,საჭიროა მისი საფუძვლიანი მომზადება, რითაც დაკავებული ვართ კიდეც“, - განაცხადა რიაბკოვმა ტელეარხ „რასია 1“-თან ინტერვიუში.

მისივე განცხადებით, შეხვედრის „დღის წესრიგი უზარმაზარია“.

მინისტრის მოადგილეს პუტინისა და ბაიდენის შეხვედრის თარიღი არ დაუკონკრეტებია.