ლაშა ხუციშვილი ონლაინ კაზინოებისთვის დაგეგმილ ახალ რეგულაციებზე - ამგვარი მექანიზმები არაერთ ქვეყანაშია აპრობირებული და მისი მიზანია ონლაინ თამაშებთან მიმართებაში ხელმისაწვდომობის მაქსიმალურად შემცირება

სათამაშო ბიზნესის სექტორში ახალი რეგულაციების შემოტანის მიზანია, ონლაინ თამაშებთან მიმართებით მიმზიდველობისა და ხელმისაწვდომობის მაქსიმალურად შემცირება,- ამის შესახებ ფინანსთა მინისტრმა ლაშა ხუციშვილმა მთავრობის სხდომის დასრულების შემდეგ გამართულ ბრიფინგზე ონლაინ კაზინოებისთვის დაგეგმილი ახალი რეგულაციების განმარტებისას განაცხადა და აღნიშნა, რომ ფინანსთა სამინისტრო შესაბამის ხედვას უახლოესი ერთი კვირის განმავლობაში წარმოადგენს.

„ინიციატივა გულისხმობს, გარკვეულწილად, ახალი რეგულაციების შემოტანას სათამაშო ბიზნესის სექტორში, რომლის მიზანია, ონლაინ თამაშებთან მიმართებით მიმზიდველობისა და ხელმისაწვდომობის მაქსიმალურად შემცირება. უახლოესი ერთი კვირის განმავლობაში, ფინანსთა სამინისტრო წარმოადგენს შესაბამის ხედვას. პირველი ეტაპი, რომლის თაობაზეც დავალება მიიღო სამინისტრომ, გულისხმობს დასაბეგრი საგადასახადო ბაზის სრულ ცვლილებას როგორც რაოდენობრივ, ისე სტრუქტურულ ჭრილში. წარმოდგენილი იქნება აბსოლუტურად განსხვავებული დაბეგვრის მოდელი, რომელიც გაჟღერებულ პრინციპებთან სრულ შესაბამისობაში იქნება“, – განაცხადა ფინანსთა მინისტრმა.

როგორც მან აღნიშნა, იგეგმება ერთიანი ასაკობრივი ზღვარის შემოღება და რეკლამის აკრძალვაც.

„ეს ხელს უწყობს მიმზიდველობისა და ხელმისაწვდომობის კუთხით გარკვეულ შეზღუდვებს. ეს არის ჩარჩო, რომელიც არაერთ ქვეყანაშია აპრობირებული და მიღებული. აღნიშნული სექტორი, პრაქტიკულად, ყველა ქვეყანაში მკაცრი რეგულირების შესაძლებლობას იძლევა. ჩვენი სისტემები, რომლის დიდი ნაწილი ამ ეტაპისთვის პრაქტიკულად დავასრულეთ და აწყობილი გვაქვს, გვაძლევს საშუალებას, რომ რეგულირების ახალ ეტაპზე გადავიდეთ. რეკლამასთან დაკავშირებით ინიციატივა მის პრაქტიკულად აკრძალვას გულისხმობს. რეკლამის ერთი ნაწილია დარჩენილი, რომელიც ეხებოდა მხოლოდ სპონსორობას და ამ ნაწილთან დაკავშირებითაც მიმდინარე კვირას გაგრძელდება მუშაობა. რაც შეეხება გადასახადებს, შეთავაზებული იქნება აბსოლუტურად სხვა მოდელი საგადასახადო დაბეგვრის ყველა მიმართულებით – როგორც მოგების, ასევე, ფსონების კუთხით. შემოვა დაბეგვრის ახალი მექანიზმი, რომელიც გულისხმობს ფსონებს შორის განსხვავების დაბეგვრას. მნიშნველოვანია, რომ დაბეგვრის აღნიშნულ მოდელზე საგადასახადო ტვირთი იქნება საკმაოდ მაღალი და იმ ფორმით, რომ შეამცირებს მიმზიდველობას ამ სექტორში ჩართული მოთამაშეებისთვის“, - განაცხადა ფინანსთა მინისტრმა, ლაშა ხუციშვილმა.

კახა გოგოლაშვილი - იმ ლოგიკით, რა ლოგიკითაც მოქმედებს ხელისუფლება ქვეყნის შიგნით და გარეთ, აზიანებს ქვეყნის ევროპულ პერსპექტივას
ქართული პრესის მიმოხილვა 03.12.2021
იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები
კახა ოქრიაშვილი - უკანონოდ დანიშნული მოსამართლეები მართლმსაჯულების სისტემის გარეთ დარჩებიან
გამჭვირვალე და მნიშვნელოვანი ინფორმაციის წყარო მედიკამენტებზე - "ფარმადეპომ" ახალი პორტალი SANDO.COM.GE პრეზენტაცია გამართა
აიღეთ „ვითიბიში“ იპოთეკური სესხი უცხოურ ვალუტაში და მომენტალურად დაიბრუნეთ თანხის 2%
დაადგინეთ თქვენი კომპანიის ციფრული სიმწიფე BDO Digital-თან ერთად
“მწვანე კონცხი ბოტანიკო” საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
„ავერსის“ თვითმომსახურების აპარატი - სწრაფად, მარტივად, ურიგოდ