სომხეთის თავდაცვის სამინისტრო სომხეთ-აზერბაიჯანის საზღვარზე, აზერბაიჯანის მხრიდან განხორციელებული სროლის შედეგად, ერთი ჯარისკაცის დაღუპვის შესახებ იუწყება.

„დაახლოებით, 18:10 საათზე აზერბაიჯანის შეიარაღებული ძალების ქვედანაყოფმა სხვადასხვა ტიპის ცეცხლსასროლი იარაღებიდან სომხეთის პოზიციები დაცხრილა, რომელიც სომხეთ-აზერბაიჯანის საზღვარზეა განთავსებული, კერძოდ კი, გეღარკუნის ოლქში. დაცხრილვის შედეგად, სასიკვდილოდ დაიჭრა 2002 წელს დაბადებული რიგითი ჯარისკაცი სურენ საფარიანი“, - ნათქვამია ინფორმაციაში.

მათივე ცნობით, 19:30 საათისთვის სროლა შეწყვეტილია.

აზერბაიჯანულ მხარეს ამ დროისთვის კომენტარი არ გაუკეთებია.