აშშ-ის პრეზიდენტი ჯო ბაიდენი 2024 წლის საპრეზიდენტო არჩევნებში მონაწილეობას გეგმავს, - Reuters-ის ინფორმაციით, ამის შესახებ თეთრი სახლის პრესსპიკერმა ჯენ ფსაკიმ განაცხადა.

„დიახ, აპირებს. ეს მისი განზრახვაა,“- განაცხადა პრესსპიკერმა ჟურნალისტებთან საუბარში.

Reuters-ი წერს, რომ ჯო ბაიდენის რეიტინგი ბოლო თვეების განმავლობაში შემცირდა, რის გამოც „დემოკრატიული“ პარტიის ზოგიერთ წარმომადგენელს გაუჩნდა ეჭვი, რომ შესაძლოა, მან კიდევ ერთი ვადით პრეზიდენტობაზე უარი თქვას.

ამასთან „დემოკრატები“ შეაშფოთა ვირჯინიის შტატში მიმდინარე თვის დასაწყისში ჩატარებულ არჩევნებში „რესპუბლიკელთა“ გამარჯვებამ და ნიუ-ჯერსიში „დემოკრატი“ კანდიდატის მიერ „რესპუბლიკელ“ მეტოქეზე მხოლოდ მცირე უპირატესობის მოპოვებამ.

თუმცა, ბაიდენის პოლიტიკური პერსპექტივები გასულ კვირაში გაძლიერდა, როდესაც კონგრესმა მის მიერ ინიცირებული 1 ტრილიონიანი ინფრასტრუქტურული გეგმა დაამტკიცა.