39 წლის დარელ ბრუკსს, რომელიც აშშ-ის უისკონსინის შტატში საშობაო დღესასწაულზე შეკრებილ მოქალაქეებზე თავდასხმის ადგილთან ახლოს დააკავეს, პირველი ხარისხის მკვლელობისთვის ბრალის წარდგენა ემუქრება, - ინფორმაციას Reuters-ი ავრცელებს.
მამაკაცი, რომელსაც შეკრებილ მოქალაქეებში ავტომობილით განზრახ შეჭრაში ადანაშაულებენ, ოჯახური ძალადობის საქმესთან დაკავშირებით გირაოს სანაცვლოდ იყო გათავისუფლებული.
შეგახსენებთ, შემთხვევა აშშ-ის უისკონსინის შტატში, ქალაქ უოკეშოში მოხდა. ავტომობილით თავდასხმის შედეგად საშობაო აღლუმზე 5 ადამიანი დაიღუპა, 48 კი, მათ შორის ბავშვები, დაშავდა. გავრცელებული ინფორმაციით, 5 დაშავებული ბავშვის ჯანმრთელობის მდგომარეობა კრიტიკულია.