"დროას" ლიდერმა ელენე ხოშტარიამ, რომელიც „ნიუ ჰოსპიტალსში“ მკურნალობს, საკვების მიღება დაიწყო.

აღნიშნულის შესახებ ელენე ხოშტარია სოციალურ ქსელში წერს.

„სისუსტე დავამარცხე, ფეხებში ძალა ვიგრძენი, ანალიზები კარგი მაქვს, კითხვა დავიწყე, „ბასეინში“ წყალიც ჩამისხეს“. დღეს პირველად ვჭამ უკვე საჭმელს. ეს არის ჩემი ელარჯიც, მწვადიც, დედას პურიც, კრუასანიც, სტეიკიც, ღვინოში გამომცხვარი ხორციც, ჩინურიც…

დინამიკა იმდენად კარგია, რომ მგონი მალე გამომწერენ საავადმყოფოდან. მადლობა „ნიუ ჰოსპიტალს“,- წერს ხოშტარია.

შეგახსენებთ, ელენე ხოშტარიამ პარლამენტის შენობაში 17 დღის განმავლობაში შიმშილობდა.